Malampuson nga naaresto sa kapulisan sa lungsod sa manukan ang tulo ka mga pinangita sa balaod sa ilang gihimong manhunt operation didto sa Brgy. Pob. Manukan dala ang warrant of arrest gikan sa hawanan ni Judge Veronica C. DG-Laput.
Ang mga dinakpan sila si Ervy Dinopol Decierdo 22 anyos, Virgilio Dingal Decierdo, 51 anyos, ug si Don Clyde Yurong Aballe, 32 anyos usa ka LGU employee, pulos residente sa Pob. Manukan.
Ang tulo ka mga dinakpan nag atubang kini sa kasong attempted Homicide adunay pyansa matag usa kanila P12,000mil samtang lain pang kaso gipasaka kanila mao ang Serious Physical Injuries nga adunay pyansa nga P10,000mil matag usa.
Butyag pa sa hepe sa Manukan MPS nga si PC/Insp Nestor Moit Gania Jr dali ra usab kining naka gawas ang tulo ka mga dinakapan human nakabayad sa balor nga gipangayo sa korte.
