Davao City – Sikop sa kapulisan sa Sta. Ana PNP ang usa ka lalaki human nadakpan sa kapulisan nga nagpalast two atol sa gilusad nga anti-illegal gambling operation alas 3:30 sa hapon sa van terminal sa Victoria Plaza Bajada ning dakbayan.
Ang dinakpan naila usa ka Byrwin Duenas, 47 anyos, residente sa Mitsui Bussan Bajada ning siyudad.
Narecover sa kapulisan gikan sa posisyon sa dinakpan ang kwarta nga gipangpatad nga mokantidad og 220.00 ka pesos lakip ang mga illegal gambling paraphernalia.
Samtang sa San Pedro Police Station duha usab ka vendors nga ginang ang gipangsikop sa kapulisan alas 7:30 kagabii sa dihang gilusad ang operation sa dalang Anda ning siyudad.
Mga dinakpan mao sila si Thelma Salingay, 49 anyos, nagpuyo sa Brgy. 22-C Boulevard ug usa ka Juana Estenso, 67 anyos, residente sa Sto. Niño Brgy. 76-A Bucana.
Nakuha sa mga suspek ang bet money nga mokantidad og 625.00 ka pesos lakip ang usa ka calculator tally sheet ug last two paraphernalia.
Ang tulo ka mga dinakpan mag-atubang og kasong kalapasan sa Republic Act 9287 kun Anti-Illegal Gambling.
RadyoMaN Don Pulayao
