Davao City – Kabalaka ug kamingaw ang gibati sa usa ginikanan human na missing ang ilang anak niadtong milabayng semana hinungdan nga mipatim-aw sa Presinto Dos (San Pedro PNP) ang amahan nga si Rashed Ampaso, hingkod ang edad, netibo nga taga-Brgy. Poblacion 6, Midsayap, Cotabato City.
Sumala pa sa amahan, nawala niadtong Nobyembre 5, adlaw’ng Lunes, ang iyang anak nga si Schejade Ampaso, 18-anyos, minyo, nagpuyo sa nahisgutang lugar human kini nilakaw nga walay pananghid.
Sa paghulagway sa amahan, gibana-banaang anaa sa 5’3 ngadto sa 5’4 ang gitas-on ug payaton iyang anak.
Gani nanawagan kini karon sa makakita sa iyang anak nga mamahimong ihatod nalang sa buhatan sa kapolisan aron didto niya kuhaon.
Sa pikas bahin, nagpatabang sa Talomo Police Station ang duha ka mga ginang nga sila si Brendan Cernan Tadeo, 66 anyos, ug si Mrs Soriano human nga na akys pag uli kagabii ang paumangkon ni Tadeo nga si Cecilia Reyes Cervantes, 19 anyos, ug anak ni Mrs. Soriano nga si Joy Soriano, 14 anyos.
Base sa report, nasayran nga nagkuyog ning duha ka mg babaye human nakagawas gikan sa ilang tulonghaan.
Adunay naka report nga nakita pa ang duha sa may Centerpoont Matina bandang ala-1:00 sa hapon kagahapon.
Sa dihang miabot na lang ang dis oras sa kagabhion wala pa sa gihpn maka uli ang duha ug dili na matud pa makontak.
Naabtan sa alas-2:00 kaganihang kaadlawon og pangita ang mga ginikanan diin wala pa sa gihapon nila makita ilang kabanay hinungdan nga nagpatabng na sila sa kapulisan ilawom sa WCPD.
RadyMaN Don Pulayao, RadyoMaN Paul Canono
