ILIGAN CITY- Tulo ang patay gumikan sa sakit nga dengue dinhi sa dakbayan sa iligan niadtung bulan sa Enero karong tuiga.
Kini mao’y gikunpirma ni Mr. Carlito Ballesta sa City Health Office subay sa ilang pag- monitor sa maong balati-an matag karon ug unya.
Matud ni Ballesta, sa kinatibuk-an, dise nwebe kabu-ok ang nataptan sa maong balati-an ug tulo kanila ang nahunosan gayud sa ilang kinabuhi.
Gibutyag ni Ballesta nga dili gayud angay magkumpyansakun ugaling makasinati ug hilanat ang usa ka indibidwal usa ngadto sa tulo ka adlaw kinahanglan na gayud nga magpa-check-up aron masuta ang tinuod nga gibati niini.
Kini aron dili maulahi ang tanan ug dili mahulog sa pagkahunos sa kinabuhi kun mo grabe na ang balati-an nga mitapot sa usa ka tawo.
