Tulo ka managsoon ang napatay samtang usa nila ang nadakpan atol sa buy-bust operation sa kapolisan sa dakbayann sa Mandaue kaganinang ala 1:00 sa kadlawon .
Ang operasyon gihimo sa Cebu International Convention Center diin kasamtangan nga nahimutang ang mga nasunugan sa barangay Guizo sa maong syudad .
Ang napatay human nisukol sa kapolisan mao sila si Jerome Ompad , Ruben ug John Vincent Ompad nga maoy subject sa buy-bust operation .
Si Chief Inspector Michael Angelo Beltran , hepe sa station 3 sa Mandaue City Police Office , nibutyag nga si John Vincent nangayo ug tabang sa iyang igsoon nga si Jerome dihang nasayran niini nga pulis diay ang gibaligyaan ug shabu.
Si Jerone niuna sa pagpusil ngadto sa mga pulis hinungdan nga napugos sa pagbawos ang mga sakop sa kapolisan.
Nadakpan ang lain nilang igsoon nga si Rustom ug nakuha gikan kanila ang mga armas nga ebidensiya lima ka paketeng shabu ug buy-bust money.
