Tulo patay sa pagpanigbas sa Tupi, samtang suspek patay usab human nisukol sa kapulisan

27

General Santos City–Tulo ang patay, usa angol sa hitabong masaker sa Sitio Basak, Brgy Miasong Tupi South Cotabato. Ang suspek si Dod Capion, kanhing preso nga gikaingong dunay deperensya sa pangisip.

Mga biktimang namatay sila si alyas Mikaela, 9 anyos, Jemer Capion og Mang Gok nga pulos mga residente sa naasoy nga lugar.


Sumala ni PMaj Pampolina- hepe sa Tupi PNP, gisulod sa suspek ang balay ni Lamberna Magon og gitigbas ang ginang apan swerteng nakadagan og nakapangayo og tabang.

Pagkabuntag giadtoan matud pa sa kapulisan ang lugar og gipangita ang suspetsadong si Dod Capion apan dihang ilang nakit-an misukol matud pa kini sa otoridad.

Gipamusil matud pa sa suspek ang kapulisan hinungdan nga mibalos ang otoridad nga miresulta sa kamatayon suspetsadong si Capion.

Sumala ni Maj Pampolina nga kanhi naaresto si Pampolina niadtong tuig 2015 og nawad-an kini sa insaktong pangisip human gibyaan sa iyang asawa.

Sa dugang imbestigasyon sa kapulisan migawas nga daan nanag namatidan sa mga residente sa lugar nga nawala na sa insaktong panghuna-huna ang suspetsadong si Capion.


Nakit-an pa kini nga misulod sa kalasangan nga bahin sa Sitio Basak og matud pa wala kini naga-kaon.

Marso 31 sa gabii dihang kalit nga niabot ang suspek didto sa lugar og gihimo ang pagpatay sa mga biktima gamit ang sundang og pusil.(Jordan Britos)

Facebook Comments