Davao City – Laing tulo ka drug pusher ang nasikop sa kapolisan Sta Ana Pnp human nakuhaan og shabu atol sa gilusad nga managlahing buy bust operation sa ilang AOR.
Base sa rekord sa Sta Ana PNP nasikop ang menor de edad nga si alyas Rey, 17 anyos, Ken Daquipil, 23 anyos, ulitawo, nagpuyo sa Fifth Avenue Carpenter ning syudad ug si Jamal Laquindab, hingkod ang edad nagpuyo sa Purok 1 Brgy 23-C Mini Forest ning dakbayan.
Sumala pa, dihang gikasa ang buy bust operation sa tulo ka mga dinakpan malampuson kini napalitan og gituohang shabu sa mga poseur buyer hinungdan sa pagkasikop sa maong mga dinakpan.
Ang tulo ka mga dinakpan balhug na sa Sta Ana Pnp ug gihikay na sa kapolisan ang kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
