Manila, Philippines – Nagsilbing “stress reliever” ngayon sa isang mall sa Dubai ang pusa na sarap na sarap sa pagtulog sa loob ng isang toy claw machine.
Sa halip tuloy na laruan ang sungkitin, mas aliw ang mga tao na makuha ang pusa.
Katunayan, isang video ng pagkuha sa pusa mula sa prize area ang nag-viral pa sa social media.
Sa video, makikita na matapos maghulog ng token sa claw machine, mas tinarget pa ng lalaking player na makuha ang pusa kesa sa mga stuffed toys.
Pero nang magising, winagwag lang ng pusa ang kanyang ulo at bumalik na muli sa pagtulog.
Hindi naman malinaw kung nakalabas na ng claw machine ang pusa.
Facebook Comments
