Nakahandang mag-abot ng tulong ang Office of Civil Defense (OCD) sa Local Government Units (LGU) na maaapektuhan ng Bagyong Kabayan.
Ito ang tiniyak ni OCD administrator Undersecretary Ariel Nepomuceno matapos mag-landfall ang bagyo sa Davao Oriental kaninang umaga.
Ayon kay Nepomuceno, naka-activate ang kanilang Emergency Preparedness and Response (EPR) protocols sa iba’t ibang rehiyon sa bansa.
Kasama sa mga protocol na ito ang pagpapakalat ng mga babala, pagsasagawa ng pre-emptive evacuation, paghahanda ng resources, pag-activate sa response clusters at iba pang kinakailangang paghahanda sa bagyo.
Sa ngayon, naka-red alert ang National Disaster Risk Reduction and Management Council (NDRRM) Operations Center kung saan pinaghahanda ang kanilang mga tauhan para sa agarang pagtugon sa sakuna.
