Tulong Trabaho Act makatabang

24

Davao City – Nagtuo ang usa ka estudyante nga makatabang gayud sa pagkunhod sa problema sa unemployment sa nasud ang Republic Act 11230 o ang Tulong-Trabaho Act nga bag-ohay lamang gilagdaan ni Pangulong Rodrigo Duterte.

Sa pakighinabi sa DXDC RMN Davao kang Ronelon Bañas, usa ka estudyante sa usa ka unibersidad dinhi sa syudad, gisaysay niini maghatag gayud kini og oportunidad sa mga walay trabaho nga maka pang-empleyo.

Apan gipasabot ni Bañas nga gawas sa trabahong mahatag sa nahisgutan, angay gihapong hatagan og pagtagad sa gobyerno ang paghunong sa ‘contractualization’ diin kadaghanan ilawom sa maong sistema makadawat lamang og ubos sa minimum rate nga sweldo ug wala usay mga benipisyong madawat gikan sa kumpanya.

“Maybe, magka decrease ang unemployment rate pero sa akoa nga side I have relatives nga walay trabaho pero wala nila nakit na nga solusyon. How could that law becomes effective while contractualization still existing and majority of them are getting only below minimum rate and no benefits. Dapat mao nay una gitan-aw sa gobyerno.” saysay niini

Nasayran nga sa Tulong-Trabaho Act mas tutokan niini ang technical-vocational skills sa mga Pilipino aron makasabay ang nahisgutan sa naga bag-ong demand sa trabaho sa nasud.

Kahinumduman nga gilagdaan ni Pangulong Duterte ang maong balaod niadtong Pebrero 22, 2019 ug mamahimong epektibo kini kinse ka adlaw human ang official publication.

RadyoMaN Kirby Manzon

Facebook Comments