Atol sa press briefing, gibutyag ni Davao de Oro DepEd Schools Division Superintendent Cristy Epe nga lisod alang kanila ang pagpadayon sa pagtuon sa mga estudyante tungod nahimong evacuation center ang pipila ka mga tulunghaan.
Apan gipaniguradong dili nila pasagdan ang edukasyon ug samtang mibalhin sa laing eskwelahan ang ilang mga estudyante, hugot gipatuman ang TULOY ANG KAALAMAN kung asa tutukan ang mga subject nga mas gikinahanglan.
“Since the learners of this school are evacuated to other school. Naa gyuy interruption sa learner. But, we are trying to address this by having this program TULOY ANG KAALAMAN. We have shifted our strategy by on the essential competencies,” matud ni Epe.
Samtang nagapadayon sab ang ilang inisyatibo nga muhatod og mga psychological needs and services sa mga estudyanteng nakasinati sa trahedya ilabi na niadtong anaa pa nagpabilin sa evacuation centers.
RadyoMaN Ivy Parido
