TULOY LANG | Operasyon ng Korte Suprema, nananatiling normal sa kabila ng indefinite leave of absence ni Sereno

Manila, Philippines – Tiniyak ni acting Chief Justice Antonio Carpio na normal ang operasyon ng Korte Suprema.

Sa harap ito ng indefinite leave of absence ni Chief Justice Maria Lourdes Sereno.

Iginiit ni Carpio na layon ng naging pagkakaisa ng labing tatlong mahistrado nang himukin nila na maghain ng indefinite leave si Sereno ay para maprotektahan ang integridad ng Korte Suprema at para maitaguyod ang hukuman mula sa mga pamumulitika.

Kahapon ay nag-courtesy call na kay Carpio si Solicitor General Jose Calida matapos itong maghain ng Quo Warranto petition laban kay Sereno.