Gibutyag ni Vice President ug DepEd Secretary Sara Duterte nga gawas sa mga bag-ong gipatukod nga mga eskwelahan ug classrooms, prayoridad usab nila ang pagmugna niini isip safe space alang sa mga estudyante.
Gani sila nagtagana og budget nga 210 million pesos alang sa mga mental health programs aron mapakusgan pa ang awareness sa tanang anaa sulod sa tulunghaan bahin sa maong hisgotanan.
Nakita sa usa ka psychology student nga si Janelle Dacoseo nga usa kini ka maayong lakang aron mapakpang ang stigma sa mental health issues ug aron usab ang mga bata adunay maduolan panahon nga sila mentally ug emotionally challenged.
Aduna usab gibuhat nga DepEd Telesafe Hotline alang sa mga estudyante nga adunay reklamo o sumbong sama sa nasinatiang pagpangubuso. Ug niadtong 2023 lang, muabot sa dul-an 200 ang kasong child abuse ang nasulbad pinaagi sa Learner Rights and Protection Office.
“We are committed to taking good care of our learners. Last year we place great emphasis on schools as our safe space for our children. We continue to strengthen the mechanism in safeguarding our learners against all forms of violence, discriminations, and dangers. Ang lahat ng ginagawa natin ay para sa Diyos, sa bayan, at sa pamilyang Pilipino,” butyag ni VP Sara.
RadyoMaN Ivy Parido
