Mo kabat sa tunga sa milyon ka pesos ang nahimong danyos sa nahitabong sunog didto sa Brgy. Banuangan lungsod sa Godod, partikular sa Banuangan Elementary School.
Nasayran kini human nga mipaabot ug taho si Godod Mayor Abel M. Matildo ngadto sa Godod MPS nga adunay nahitabong sunog sa usa ka tulunghaan.
Dali usab kini nga girespondihan sa kapulisan uban sa Salug Fire Station sa pagpanguna ni SFO3 Nicolas B. Jumalon.
Subay sa taho sa taga BFP, 9:15PM niadtong adlawng martes usa ka story ug duha ka unit sa classroom sa Banuangan Elementary School sa maong barangay ang gikaon sa kalayo nga binuhat lamang sa light materials.
Matod pa ni Mr. Junry C. Galindo-Teacher in Charge sa nahisgutan nga tulunghaan nga kung diin nagpuyo kini sulod sa dakbalay matod pa nagpalong siga ang electrical fluorescent lamp ug nakadungog siya ug pag spark hinungdang gisulayan kini niya ug subay.
Human nga milakaw si Junry sa iyang pagsubay iyang nabantayan ang kalayo duol sa classroom building.
Dali usab nga nagpakitabang si Junry sa iyang kauban nga magtutudlo tungod sa padayon nga pagkuyanap sa kalayo. Pipila ka minuto ang milabay nahidangat ang barangay tanod ug mga silingan ninini. Wala usab nila natabang pagpalong ang kalayo. Hinuon walay gikataho nga naangol sa maong sunog
Gibutyag usab sa Teacher in Charge sa Banuangan Elementary School nga walay fire insurance policy coverage gikan sa fire insurance company. Giangkon usab nila nga aksidente ang nahitabo tungod sa electrical short circuit.
Gawas sa gihimong intensive follow-up investigation Godod MPS, naghimo usab ug lahi nga imbistigasyon ug migawas sa imbistigasyon nga upat ka panid sa metal roofing ang gikawat kini.
Apan panahon sa flag raising ceremony gipahibalo ni Mr. Abdul Aziz D. Minanga, magtutudlo sa Madrasa usa ka Islamic based program sa Deped nga ang nawala nga metal roofing nabalik na kini.
Niadtong gabhi-ona sa nahitabong sunog ilang nabantayan nga gibugkusan sa tie wire ang upat ka roofing ug gibutang duol sa school building nga nasunog.
