Roxas City, Capiz- Tuman ka damo sang mga basura ang ginbilin matapos ang pagbaligya sang mga prutas kag iban pa sang nakaligad nga inadlaw kadungan sang pagsug-alaw sang Bag-ong Tuig.
Makit-an sa palibot sang merkado ang mga ginpangsudlan sang mga prutas subong man ang mga damaged kag mga wala na mabakal nga prutas nga ginpangbilin gid lamang sang mga nagabaligya.
Suno sa isa sa mga street sweeper nga 10 tubtob sa 15 ka trucks sang mga basura ang ginbilin sang mga vendors.
Suno pa diri, nga mas maayo kuntani kun nabutang man sa plastic ukon sako ang mga ini agud madali ang ila nga pagsilhig.
Samtang apelar naman sang isa sa mga tindera nga regular nga nagabaligya sa amo nga merkado nga kuntani ginhimos man sang mga ini ang ila kayat bangud tuman ka budlay para sa mga street sweepers ang paglimpyo.
