CAUAYAN CITY – NATAPOS NA ANG BAGONG 3.58-KILOMETRONG TUMAUINI BYPASS ROAD NG DEPARTMENT OF PUBLIC WORKS AND HIGHWAYS (DPWH) PARA SA MGA MAGSASAKA SA BAYAN NG TUMAUINI.
AYON KAY GINOONG DANILO PAET NG BARANGAY MALIGAYA, MAS MABILIS NA NGAYON ANG PAGBIYAHE NG KANILANG ANI PATUNGO SA MERKADO DAHIL SA BAGONG KALSADA.
MALAKING GINHAWA UMANO ITO SA KANILANG HANAPBUHAY DAHIL HINDI NA GAANONG ABALA ANG TRANSPORTASYON NG MGA PRODUKTONG PANG-AGRIKULTURA.
DAHIL SA MAAYOS NA DAAN, MAS MAIKLI NA RIN ANG ORAS NG PAGLALAKBAY, KAYA’T NAPAPAKINABANGAN NANG HUSTO NG MGA MAGSASAKA ANG KANILANG ORAS AT MAS LIGTAS PA ANG BIYAHE.
TIWALA ANG MGA RESIDENTE NA HIGIT PANG UUNLAD ANG KABUHAYAN NG KANILANG LUGAR DAHIL SA BAGONG BYPASS ROAD AT BUKOD SA KAGINHAWAAN SA PAGBIBIYAHE NG PRODUKTO, NAKIKITA RIN NILA ITONG DAAN UPANG MAHIKAYAT ANG MAS MARAMING OPORTUNIDAD SA KANILANG KOMUNIDAD.
