General Santos City–Tumbok na sa Police Station 2 ang supplier sa kanhing assistant pharmacist sa usa ka pampublikong ospital sa Gensan nga si Alias Anna Fe , legal age nga taga Barangay Lagao kansa nasikop sa buybust operation sa kapulisan niadtong Martes sa hapon.
Sumala ni Police Chief Inspector Robert Fores, deputy Chief Of Police sa Police Station 2 nga basi sa iyang gihimong interogasyon sa suspek , iyang gibutyag kung si kinsa ang supplier niini.
Wala hinuon ginganlan ni PSI Fores kung si kinsa ang nasangpit.Gawas sa supplier may mga pangalan na usab ang Police Station 2 sa mga personaheng ginabaligyaan ug iligal nga droga ni Anna Fe.
Sa karon ila pang givalidate ang mga personaheng ginganlan sa suspek.Gibutyag usab ni PSI Fores nga sa karon ila nang ginahan-ay ang pagpasang-at ug kasong paglapas sa RA 9165 batok kang Anna fe.
Nasayran nga nagkantidad ug P30, 000.00 nga gituohang shabu ang nakumpiska sa kapulisan ngadto kang Anna fe.
