Tun-og gang , ginatudlo nga amo ang sa likod sang nagakatabo nga gang rape sa banwa sang San Dionisio, Iloilo

San Dionisio, Iloilo – Nagapangabay ang isa ka public schoool teacher sa mga natungdan nga ahensya nga usisaon ang Tun-og gang sa banwa sang San Dionisio, Iloilo nga ginapasuni responsible sa mga gang rape kag ginapaako ang krimen sa mga tawo nga nakontra nila.

Suno kay alyas inday , elementary teacher, nakibot lang sila nga ginpadal-an sang subpoena ang iya 64 anyos nga amay kag ginatudlo amo ang naghimulos sa 17 anyos nga babayi sadtong Hulyo 23, 2019.

Ginpamilit ni inday nga indi ini mahimo sang amay kag nagapati siya nga gintripingan ini sang Tun-og gang nga ginabug-usan sang mga pamatan-on nga lalaki kag babayi .
Suno pa sa alegasyon ni inday nga ang 17 anyos nga biktima ang miyembro man sang Tun-og gang kag ginagamit sang iya mga kaupdanan.
Samtang ang iloy sang biktima ang isa ka daycare worker kag ini ang rason suno kay inday kon ngaa wala sang may ginahimo nga tikang ang DSWD sa ila lugar apisar nahibaluan na snag mga ini kon sanday sin-o ang mga miyembro sang Tun-og gang.


Nagalaum man si inday nga may himuon nga tikang ang principal kag ang mga manunudlo sa high school kon sa diin diri naga-eskwela ang kalabanan sa mga miyembro sang Tun-og gang nga grade 11 kag grade 12 students.

(photo from the web)

Facebook Comments