Davao City – Nakabsan sa kinabuhi si Elesio Sapues, 52 anyos, residente sa Purok 5 barangay San Isidro Bunawan district ning syudad human dunggaba sa daghang higayon sa usa ka Joseph Esparagusa Datulayta alyas Jojo 30 anyos silingan ra sa biktima.
Subay sa inbistigasyon sa Bunawan Police Station, alas kwatro sa hapon naga-inum ang biktima nga si Elesio ug suspek nga si Jojo kuyog ang laing duha nila ka silingan samtang namusta kini sa mga nagdula’g basbekball.
Napildi ang suspek apan kulang og dyes ang gitahan niini hinungdan nga nasuko ang biktima, niresulta sa panaglalis sa duruha nga nisangko ngadto sa pagdunggab ni Jojo kang Elesio.
Gidali pagdala sa hospital si Elesio apan tungod sa daghang samad dinunggaban, nabugtuan kini sa gininhawa.
Munhunt operation gilusad sa kapulisan aron pangitaon ug dakpon si Jojo nga nisibat human nahimo ang krimen.
Kasamang Don Pulayao
