Davao City – Samdan ang usa ka lola sa dihang gitigbas sa apo sulod sa panimalay niini sa Sitio Balalan, Brgy Zone 2, Sta Cruz Davao del Sur alas 5:30 sa hapon niadtong April 15, 2020.
Sa imbestigasyon sa kapulisan, gitago sa pangalang Alyas Rose ang biktima, 68 anyos, kinsa giingong maoy kaaway sa iyang 21 anyos nga apo tungod sa baktin.
Saysay sa biktima nga nagsabot sila sa iyang apo nga tunga sila sa mga anak sa baboy apan sa pagpanganak sa baboy, nasuko ang apo gumikan wala nahatag sa iya ang iyang bahin resulta sa pagpanigbas.
Nakahiagom og samad-tinigbasan sa likod ang biktima samtang ang suspek ginapangita na sa kapulisan.
RadyoMaN Renz Barbarona
Facebook Comments
