Nagtu-ay na ang liog sa usa ka ginang human kini gituohang nagpakamatay didto sa Brgy. Ilihan,lungsod sa Jose Dalman.
Naila ang biktima nga si Evelyn Antiquina Hernane, 48 anyos, usa ka balo, molupyo sa nahisgutan nga dapit.
Matod pa sa kapulisan nga nagpahigayon ug imbistigasyon, ang biktima natulog kini sa panimalay sa iyang apo.
Sayo sa buntag nakugang nalang ang anak niini nga si Glicerio Hernane tungod sa iyang nakita nga wala na kini kinabuhi ang iyang inahan nga nagbitay sulod sa ilang kwarto.
Gamit ang pisi nga ge bugkos sa bong-bung sa ilang balay gihikot kini sa biktima ngadto sa iyang liog. Nga moay hinungdan sa pagkutlo sa iyang hinulamang kinabuhi.
Matod pa ni Dr. Nur-Hamir Ajijul namatay kini tungod sa Cardio Respiratory arrest ug Secondary to AsphyXia.
Dugang pa sa imbistigasyon naka sinati matod pa ang biktima ug depresyon tungod usab sa pagkamatay sa iyang bana niadtong Desyembre tuig 2016.
