Piñan, ZDN-Pito ka indibidwal ang akto nga nasapon sa kapulisan nga nagdula ug barahang piyat-piyat samtang naghimo ug pag ronda ang kapulisan sa lungsod sa Piñan.
Didto na nasapon sa brgy. Del Pilar, Piñan, ZDN ang mga sugarol, wala naka higayon sa pag ikyas ang maong mga indibidwal.
Naila ang mga dinakpan nga sila si Raymund Navares, 23, Milo Cagatin, 23, Jobert Cagandahan, 26, Ian Eguia, 21, Reneboy Sumanduran, 26, Melboy Pesquera, 27, Greggy Pesquera, 25, pulos kini sila trabahante sa Polanco Fresh Harvest Farm sa brgy. Magangon ug pulos lumolopyo sa Sitio Cannibogan, Brgy Villahermosa, Polanco ZN.
Nakuha sa ilang posisyon baraha ug kwarta nga P110 nga gigamit sa sugal.
Kasong paglapas sa PD 1602 kun illegal gambling ang ilang atubangon.
