*GENERAL SANTOS CITY—- CRIME OF PASSION ang usa sa mga anggulong ginatutukan karon sa kapulisan human ang kamatayon sa duha ka indibidwal alas 9 pasado ang takna sa gabii, sulod sa usa ka lodging house sa brgy. Lagao ning dakbayan.*
*Ang pulis nailang si Police Corporal agil abdusali, 42 anyos, minyo nga miyembro sa pnp- special action force kon saf nga nakabase sa police regional office 12 human kining misukol sa kapulisan sakop sa police station 3.*
*Subay sa imbestigasyon, nakadawat ug tawag ang kapulisan gikan sa buhatan sa usa ka lodging house tungod matud pa sa natigayong komosyon, apan aghidangat sa miresponding pulis, nagpabuto si Pol. Corp. Abdusali rason nga kini gipusil sa tropa nga hinungdan sa iyahang kamatayon.*
*Dihang gisulod na sa kapulisan sa police station 3 ang kwarto, nasayran nga gawas sa pulis ug asawa niining si Janicel, adunay laing patay nga nakit-an sa C.R nga nailang si edros Ibrahim, hamtong ang pangidaron ug residente sa Banisil, Brgy. Tambler ning dakbayan.*
*Atol sa imbestigsyon nga gihimo ngadto na sa asawa sa pulis, nauna silang ng-check-in sa moang lodge ug dayon gipasunod ang biktimang si Ibrahim ug didto na kini gibunalan ug pala sa pulis nga si Abdulasi ug dayon gidunggab-dungab gamit ang balisong nga nahimong hinungdan sa iyahang kamatayon.*
*Ang pagpatay matud pa sa biktimang si Ibrahim ang giplano sa pulis human masayran nga ang nahisgutang biktima ang ama-ama ni janicel ug ayha siya nakig-minyo daan na kining gina-molestiya sa biktima.*
*Narekober sulod sa maong lawak ang service firearmas sa pulis, us aka Uzi u gang balisong.*
*Sa kasamtangan ang asawang si Janicel ang anaa na sa kustudiya sa police station 3 ug ginaun-an kung pasakaan ug kaso.*
