TUNGOD SA GUGMA| Lalaki gibiyaan sa ka-live-in milala og hilo, naospital

Nadala sa Dr.Jorge P. Royeca hospital ang usa ka Noel Tano, 43 anyos usa hallow block maker, nga taga Purok Yusaville Brgy.Sinawal ning syudad human nga miinom og hilo alas 4;45 sa hapon kagahapong adlawa sa nasampit nga lugar.

Basi sa impormasyon nga natala sa maong ospital nasayran nga gusto na kini biyaan ang biktima sa iyang kalive in partner, og tungod sa dakong gugma niini dili madawat sa nasampit nga biktima ang gihimo sa iyang partner.

Hinungdan nga nakahuna huna kini sa pag inom og hilo aron mahuman na ang tanan niyang problema apan human sa maong panghitabo gilayong gidala sa ospital ang biktima sa iyang silingan uban ang iyang anak nga babae alang sa iyang medikasyon.


Sa karun nagpabilin nga nagpaalim sa balay tambalanan ang biktima. ( Reynald Timario)

Facebook Comments