TUNGOD SA INDI MABAYARAN NGA UTANG, MASOBRA 200 KA OFWs SA SINGAPORE NANGAYO SANG BULIG SA NGO

Report ni: Jennifer Palomo Debaja

Naglab-ot sa masobra 200 ka Filipino domestic workers sa Singapore ang nangayo sang bulig sa non-governmental organization sang domingo Disyembre 9 sa kahangawa nga indi na sila makabayad sang ila existing loans. Ini matapos gin impose sang Singapore government ang bag-o nga limit nga nagadumili na sa mga foreign nationals nga mag utang sa sobra isa ka legal loan institution.

Umpisa Nobyembre 30, foreigner sa Singapore nga naga sweldo sang manubo sa S$10,000 (US$7,294) kada tuig ang pwede lang makautang asta S$1,500 (US$1,094) sa lisensyado nga money lenders.


Sa pahayag ni Pastor Billy Lee, founder kag executive director sang Blessed Grace Social Services (BGSS), upod ang 12 ka volunteers, nakigsapol sila sa 209 tanan ka Filipinas, kon sa diin 38 ka mga ini ang naga pangatubang sang mataas nga interes sa pag pangutang sa loan sharks.

Sa 38 ka complainants, isa diri ang naka utang sang S$4,700 (US$3,428) sa 6 ka money lenders, samtang apat sa mga ini ang nag travel pa sa Johor Baru, Malaysia, para maka kuha sang additional loans para ibayad sa existing na nga utang sa Singapore money lenders.

Isa sa mga Filipina domestic worker nga ginkilala Kay Ms. Cruz, 45 anyos kag 7 na katuig nga naga ubra sa Singapore ang nangayo sang bulig matapos nakautang sa tatlo ka lendingan nga naglab ut sa S$1,800 ang iya balayran.

Sa bulig ni Lee, gin pahanugutan si Cruz nga magbayad sang S$50 kada bulan nga installment asta mabayaran tanan ang iya utang sa lendingan sa sulod sang 8 ka bulan.

Facebook Comments