Napalgang patay ang biktima nga nagbitay sa punuan sa Ipil- Ipil gamit ang usa ka nylon nga pisi, didto sa brgy. Jaoquin Macias, lungsod sa Sindangan.
Sa resulta sa imbistigasyon nasayran nga ang biktima mao si Rene Vestal Demoral, 30 anyos, ulitawo, usa ka mag-uuma, molupyo sa nahisgutan nga lugar. Nga kung diin matod pa, mi trabaho kini sa umahan ni Lauriano Loconan.
Ang biktima uban ni Lauriano Loconan ug Jeofrey Edias nag inom kini sa panimalay ni Loconan, human sa ilang pag inom, ni uli ang biktima sa ilang panimalay ug nag singgit- singit sa walay igong rason. Matod pa sa iyang kabanay nga naandan na nga mag sige ug singgit panahon nga mahubog kini.
Niadtong higayona, gi ingnan usab sa biktima ang iyang live in partner nga mohunong na kini sa iyang trabaho didto sa uma ni kanhi Congressman Rosendo Labadlabad. Tungod kay naulaw na siya sa pamilya sa iyang ka live in nganong gitugutan niya nga mo trabaho bisan paman nga maigo ra ang iyang kinitaan sa ilang pang adlaw-adlaw nga panginahanglanon.
Sa susamang adlaw, nananghid ang biktima nga moadto siya sa ilang uma apan pakyas na kining miuli sa ilang panimalay. Hinungdan nga dali kining gipangita, ug didto ilang nakita sa luyo nga bahin sa ilang panimalay duol sa pang-pang nga nagbitay na sa punoan sa Ipil-ipil, gituohan kining naghikog.
Wala usab nakita nga Foul play sa maong panghitabo.
