Tungod sa kawad-on bata nga nasamad sa lata, patay

Davao City – Kawad-on ang hinungdan sa kamatayon sa 3 anyos nga batang babayi human kini nasamad sa lata ang tuong tiil ni alyas Danica, taga Purok Sto. Niño, Barangay Tibungco, syudad sa Davao.

Sa interbyu sa DXDC RMN Davao kang Delfina Limutin, apohan sa bata, kung nadala pa lang dayon sa hospital posibleng matabang ug mabuhi pa kini.

Segun sa Lola, niadtong panahona wala dayon madala sa hospital tungod wala silay kwarta kay ang inahan sa bata nagtrabaho pa isip katabang sa balay ug wala dayon kini nakontak.

“Ingon ko nga aria ang bata kay wa gyud mi kuwarta ipalit og tambal ana, kay ako plano ipa doctor pero walang walang lagi ug wala pod nako sya nakontak”

Patay’ng lawas sa bata anaa pa sa Rivera Funeral Homes ug gitakdangg dalhon karong adlawa (January 11, 2023) sa ilang pinuy-anan.

Samtang gibutyag usab ni Brgy. Tibungco Kapitana Merjade “Buddy” Calvo human nahinabi sa DXDC RMN Davao team, ilang tabangan ang pamilya human gipahibalo sa DXDC RMN Davao sa Kapitan.

RadyoMaN Don Pulayao