Pilason ang isa ka inmate sang South Cotabato Rehabilitation and Detention Center matapos nga bun-on sang isa man ka preso gamit ang improvised ice pick, pasado alas 8:00 kagaina sang aga, Disyembre 7, 2020.
Ginkilala ni OIC Warden Felicito Gumapac ang biktima nga si Gerry Tuason, may kaso nga pagbayolar sa RA 9165 kag ang suspek ang ginkilala naman kay Ryan Paquerda, may kaso nga robbery with homecide.
Suno kay Gumapac base sa ila inisyal nga imbestigasyon ang ginhalin sang insidente amo nga gin-ihaw ni Paquerda ang pato nga ginsagod sang grupo nga para kuntani sa ila christmas party amo nga ginsita ini niTuason, apang naakig ang suspek amo nga nabuno sini ang biktima.
Nakaangkon sang igo sa talinga nga bahin ang biktima nga nagapaidalom sa subong sa medikasyon kag yara na sa maayo nga kondisyon.
Samtang ang suspek suno kay OIC Warden Gumapac ang ginbutang niya sa single cell kag ginahulat ang desisyon sang biktima kon pasakaan sang kaso ang suspek.
