Kamatayon ang gidangatan sa usa ka biktima human sa iyang gihimong pagpanungog sa usa ka indibidwal human kini wala ka agwanta sa iyang gipanulti.
Nahitabo ang pagpamukbok didto sa buntod nga bahin sa barangay Lawagan, Labsaon, Zamboanga del norte, sa may 9:00PM niadtong adlawng Sabado.
Ang biktima mao si Alexander Margasa y Batoctoy, 48 anyos, usa ka mangingisda kinsa gisumbag ni Reneboy Cerales y Cabanilla, 26 anyos, pulos kini sila residente sa barangay Lawagan.
Sa nahimo nga pag imbistiga sa kapulisan sa Labason MPS, nasayran nga mag bayaw kini sila si Alexander ug Reneboy, niadtong higayona anaa sila nagtapok sa usa ka videoke house nga iya sa person of interest.
Gidugang pa sa imbistigador nga si SPO3 Pepito E. Palabrica, Samtang anaa sila sa panagtapok wala kapugngi ang pag panungog sa biktima ngadto kang Reneboy, hinugdan nga nasuko kini ug giduol ang biktima nga naglingkod dayong sumbag ug maayong pagka igo sa nawong.
Dali usab nga mitindog ang biktima apan gisundan pa kini ug sumbag, maayong pagka tikangkang niininga kung diin ang agtang niini na paod sa sa gahi nga kahoy nga miresulta sa wala damhang kamatayon.
Tungod sa maong panghitabo dali nga mitahan ang suspek ngadto sa mga tinugyanan sa balaod tungod sa iyang nahimo nga salaod, karong adlawa lauman nga mapasaka na sa korte ang kaso batok kang Reneboy.
