Tungod sa problema sa pamilya, 50 anyos nga bana, naghikog patay.

Naghikog patay ang usa ka 50 anyos nga bana sa Zone 6- Canitoan, Barangay Calaanan ning syudad.
Biktima naila nga si Berlyn Dablio, minyo, kinsa naghikot og pisi sa iyang liog sulod sa iyang panimalay.
Matud sa inahan sa biktima nga si Elma Dablio, 71 anyos, nga siya ang una nga nakakita sa iyang anak nga nagbitay, ug problema sa pamilya ang hinungdan sa pagpakamatay niini.
Samtang gibutyag sa asawa sa biktima nga si Joy Dablio nga nagkabikil sila gamay sa iyang bana.
Matud ni Mrs. Dablio nga igo lang siya midistansiya sa iyang bana ug didto natulog sa iyang ginikanan, tungod kay magmaoy ug maglasong kini kung mahubog.
Wala usab damha ni Mrs. Dablio nga buhaton sa iyang bana, ang pagpakamatay.