Polanco, ZDN-Gipahimutang na karon ang patayng lawas sa biktima human kini na kuryentehan niadtong adlawng Sabado, didto sa Brgy. San Miguel, lungsod sa Polanco, ZDN.
Ang biktima mao si Roseller Corro, 64 anyos residente sa nahisgutan nga barangay.
Butyag pa sa PNP Polanco nga kini si Roseller uban sa iyang apo nga 10 anyos, nanguhit kini ug hinog nga marang gamit ang kawayan, apan aksidenteng nasagi ang live wire sa electric water pump nga iya ni Jerry Batoampo ug mitapot kini sa liog sa biktima.
Dala pa nangayo ug tabang ang apo niini sa ilang silingan, apan nagbay-ad na kini sa yuta nga wala nay kinabuhi.
Igo nalang sa pagpatulo sa luha ang pamilya sa gidangatan sa ilang kabanay.
Facebook Comments
