Tungod sa selfie suspek sa lugos sa Panglao nailhan na

833

Usa ka Badjao ang gitumbok nga suspek sa giingong paglugos sa usa ka turista nga Russian national samtang nibakasyon kini sa Panglao lalawigan sa Bohol .

Si Police Staff Sgt. Vicky Villaber nibutyag nga ang 22 anyos nga biktima mismo nga gitago lang una ang pangan maoy positibong niila sa suspek tungod sa selfie nga hulagway nga anaa sa celphone sa biktima .


Matud ni Villaber sa wa pa mahitabo ang krimen giingong nakigselfie pa ang suspek ngadto sa biktima .

Nahitabo ang insidente niadtong Martes Enero 21 , usa ka adlaw human naabot ang biktima sa Panglao ug unang higayon niya nga nibsita sa Pilipinas .

Gisaysay ni Villaber nga ang suspek naninda ug alahas diha sa baybayon ug nihagad pa sa biktima nga mopalit , apan gibalibaran kini ug inay nagpatudlo ang biktima kung asa makapalit ugn tuwalya .

Giubanan pa siya sa suspek apan dihang mobalik na sa hotel ang biktima , didto sila niagi sa awaaw nga lugar ug gitook siya niini hangtud nga nawad-an kini ug panimoot ug didto na siya giingong giamong-amongan sa suspek .

Facebook Comments