Ang insidente nahitabo alas- 8:20 sa buntag niadtong Mayo 9 sa Purok 1, Barangay Manambulan, Tugbok District, ning dakbayan.
Sa report gikan sa Tugbok Police Station, giila ni Master Sargeant Roque Osico, imbestigador ang biktima nga si Jean Angel Agustin Delgado, 33 anyos, samtang ang mamumuno giilang si Saneboy Timbal, 31 anyos.
Nagkalalis ang mag live-in partner niadtong tungora diin ang suspek mibiya sa ilang pinuy-anan apan sa pagbalik niini, nagdala na kini og sundang ug dayon tigbas ngadto sa wala makabantay nga biktima.
Boluntaryo hinoon nga mitahan sa iyang kaugalingon ang perpetrator ngadto sa mga tinugyanan sa balaud.
Lakip niini nga gi-surender ang disi-otso pulgadas nga sundang nga maoy iyang gigamit sa pagkutlo sa kinabuhi sa kapuyo niini.
Nagtingkagol na karon sa bilangguan ang kriminal og mag-atubang og kasong murder.
Ang patay’ng lawas sa biktima a tua na gipahiluna karon sa Angel Funeral Homes sa Calinan, ning syudad.
RadyoMaN Don Pulayao
