Tungod sa “SPIRIT OF THE PAPER”, 57 ka mga tinun-an sa Agusan Sur nasudlan sa dautang Ispiritu

“Gitawag sumala pa sila sa mga tinun-an, hinungdan nga miduol sila sa tulunghaan, ug misulod sa lawas sa mga tinun-an sa Sta. Josefa National High School sa lalawigan sa Agusan del Sur.
Kini maoy sulti sumala pa sa mga dautang Ispiritu nga misulod sa lawas sa 57 ka mga tinun-an, kini basi sa tambalan nga “Manobo” diin iya nahinabi mismo ang maong mga dili ordinaryong nilalang.
Dasun pa sa maong tambalan, nga dili lang sumala pa pugson ang mga dautang ispiritu sa pag-biya sa maong tulunghaan, kay bolontaryo ra kini sila nga mobiya sa maong tulunghaan, ug hingpit nga mogawas sa lawas sa mga tinun-an.
Ang pag-duol sa mga dautang Spiritu subay kini sa tawag sa mga bata, kinsa naghimo sa “ spirit of the paper” nga wala mabadlong sa mga magtutudlo ug principal.
Sigun ni JM Soliven, school coordinator sa Sta. Josefa Nat’l High School nga karong adlawa ipahigayun ang information and education campaign, ugmang adlawa himoon ang moral recovery program unya sa adlawng Biernes, Sabado ug Domingo himoon ang spiritual retreat sa mga tinun-an.
Sunod semana usab ipailalum sa stress debriefing ang mga tinun-an ug ang moral and enhancement program sulod sa tulunghaan.
Pinaagi niini malaumon si Soliven nga mabalik na sa normal ang sitwasyon sa ilang tulunghaan.
Balik na ang klase karong adlawa usab didto sa Sta. Josefa National High School, sa lungsod sa Sta. Josefa, Agusan del Sur human sa duha ka adlaw nga gisuspendi .
Sigun ni Marvin Mentero, Municipal Disaster Risk Reduction Management Officer sa lungsod sa Sta. Josefa nga nahukman sa LGU ang pagsuspendi klase sugud niadtong Lunes ug Marte apan mobalik ang klase karon, Merkules diin ubos pa gihapon sa obserbasyon ang mga tinun-an ilabina
Unang nang gibutyag sa Principal sa maong tulunghaan nga apektado ang pagtungha sa mga estudyante karon tungod sa maong hitabu sa kahadluk nga simbako sila napod ang masudlan sa dautang espiritu.

Facebook Comments