Pagadian City, Zamboanga del sur—–Tungod sa walay puas nga pagbundak sa ulan ubay-ubay na ka mga pananom ang nangadaot ilabi na sa mga basakan sa dakbayan sa Pagadian, Lungsod sa Molave ug sa Lungsod sa Labangan lalawigan sa Zamboanga del sur.
Alas 8 sa buntag sa dihang halos dili na makit-an ang mga gipangtanom nga humay sa Barangay Tawagan Sur sa dakbayan sa Pagadian, Barangay Bulanit sa Lungsod sa Labangal ug ingon man sa dakong basakan sa Molave.
Usa sa mga hinungdan mao ang pag-awas sa suba sa Tawagan Sur ingon man sa Salugvalley River ug Dipolo river nga usa sa mga gitumbok nga hinungdan nganong hangtud anaa pa gihapon walay paghubas sa tubig baha.
Nanawagan sab ang Provincial Disaster Risk Reduction and management Office nga dili ibaliwala ang pagbaha tungod posebling magdala kini og peligro ngadto sa mga katawhan nga anaa nagpuyo sa ubos-ubos nga bahin nga daling maabot sa pagbaha. (Mel Coronel/Kenneth Bustamante/dxpr news team)
