TURN OVER CEREMONIES SA BAG-O NA CHIEF OF POLICE NAN PLACER, SURIGAO DEL NORTE TAGPAHIGAYON KUMAN ADLAWA
Opisyal na may bag-o na Chief of Police an Placer Municipal Police Station epektibo kuman adlawa, ini human na taghimo an Turn Over Ceremonies kaganina.
An kanhi Chief of Police na si Police Chief Inspector Manolito Parazo an tagpulihan ni Police Senior Inspector Limen Magdadaro. An assumption of office niini an tagpirmahan ni PNP Prov’l Director Senior Supt. Antony Maghari, hinoon naunang tagpaklaro niini na an pagka-relieve kan Parazo an wayay kalabutan sa pagkadagit sa duha ka pulis na sila ni P02 Alfredo Degamon Jr. ug P02 John Paul Doverte kundili miabot na sa duha ka tuig an pagserbisyo sa Placer nan kanhi Chief Of Police.
Dugang pa ni Maghari, si Chief Inspector Parazo an tagtakda ibalhin sa PNP Prov’l Headquarters. Si Senior Inspector Magdadaro an kanhi na-assign isab sa Surigao City Police Station.
