CAUAYAN CITY — TARGET NG LOKAL NA PAMAHALAAN NG REINA MERCEDES NA MATAPOS ANG PAGSASAAYOS NG TUROD-BANQUERO BRIDGE SA DARATING NA DISYEMBRE 2025, AYON SA PINAKAHULING PAHAYAG NI VICE MAYOR HAROLD RESPICIO.
SA KANYANG SOCIAL MEDIA POST, TINIYAK NI RESPICIO NA PATULOY ANG KOORDINASYON NG LGU SA IBA’T IBANG AHENSIYA NG PAMBANSANG PAMAHALAAN UPANG MAPABILIS ANG REHABILITASYON NG NASABING TULAY NA MATAGAL NANG NAPINSALA.
MATATANDAANG SINIMULAN ANG KONSTRUKSYON NG TUROD-BANQUERO BRIDGE NOONG 2021 NGUNIT ILANG ULIT NAANTALA DAHIL SA MASAMANG PANAHON AT IBA PANG DAHILAN NA NAGPABAGAL SA PAGKUMPLETO AT NAKAAPEKTO RIN SA KONEKSYON NG ILANG BARANGAY SA BAYAN.
SA KASALUKUYAN, BANGKANG DE-MOTOR ANG PANGUNAHING GAMIT NG MGA RESIDENTE UPANG MAKATAWID PATUNGO SA SENTRO NG BAYAN NA LALO PANG NAGIGING MAHIRAP NGAYONG PANAHON NG TAG-ULAN.
