TUTOKAN | Seguridad sa sulod sang Roxas City Jail kag solusyon sa pagginutok sang mga inmates, nagapanguna nga prayoridad sang bag-o nga jail warden!

Roxas City, Capiz- Prayoridad subong sang bag-o nga jail warden sang Roxas City-BJMP ang pila ka mga problema sa nasambitan nga pasilidad.Sa interview sa OIC Jail Warden nga si Jail Chief Inspector Abner Zamora, ang seguridad sa sulod sang BJMP-Roxas amu ang nagapanguna sini nga ginatutokan umpisa sang ini ang nagtal-os kay anay Jail Warden Atty. Jairus Anthony Dogelio sang nakaligad nga Hulyo 16, 2018.

Suno diri nga nagpatigayon ini sang perimeter survey matapos nga nangin rasun sang pagrelieve sa anay jail warden ang pagkapalagyo sang isa ka inmate.

Suno pa kay Zamora nga ginpadayon naman sini ang mga programa nga sadto anay ginapatuman ni Dogelio para sa mga inmates kag padayon man ang ila schools kag technical training.


Kon mahibalo an nga ang kita sa mga produkto nga gina obra sang mga inmates sa ila TESDA training ang nagakadto man mismo sa ila.
Samtang, problema sa gihapon ang pagginutok sang mga inmates sa Roxas City-BJMP.
Sa pihak sini naglaum naman si Zamora nga indi magdugay kag masolusyunan na ang problema sang kagutok bangud man sa subong padayon nga ginaconstruct ang building nga magaserbe extension sa BJMP nga amu naman ang pagasaylohan sang mga babaye nga inmates.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments