Giduso karon sa solidarity transport alliance sa Northern Mindanao-Pinagkaisahang Samahan ng mga Tsuper at Operator nationwide ang plano niini nga two-day strike sa sunod semana.
Matud pa sa Starex-Piston secretary general nga si Ringo Lago, mahitabo ang maong strike sa Lunes ug Martes ug usa kini ka protesta sa modernization program para sa mga jeepneys nga matud pa sa Starex-Piston usa ka “phaseout ug monopoly” sa public transport industry sa nasud.
Dugang pa ni Lago nga gipahibalo na nila ang mga lideres sa piston sa Manila mahitungod sa ilang protesta nga idungan usab nila sa protesta sa Piston didto sa kaoluhan. Bisan paman kung kulang sa suporta gikan sa mga transport groups, ang Starex-Piston ang malaumon pa gihapon nga makuha nila ang 50 percent sa public transport nga moapil sa nasangpit nga two day strike.
Hinoon gipasalig ni LTFRB Regional Director Aminodin Guro nga mag-andam sila ug mga bus gikan sa tabang sa mga pribadong kompanya aron mohatag ug libreng sakay sa mga ma stranded nga mga pasahero.
Unsay tan-aw mo idol epektibo paba kining mga strike nga gakahitabo sa atong palibot?
