Roxas City, Capiz – Base sa weather bulletin sang PAGASA subong nga alas 5 sang aga, ang sentro sang Tropical Depression ‘Auring’ ginabanta sa kalayuon nga 195 km sang nasidlangan sang Maasin City, Southern Leyte dala ang kabaskugon sang hangin nga magalab-ut sa 45 km/h malapit sa sentro kag pagmadlus nga nagalab-ut sa 55 km/h.
Gina- forecast nga magahulag ang Tropical Depression ‘Auring’ natungdan pa-naaminhan nakatungdan sa kadasigon nga 15km/h.
Suno sa PAGASA, bisan nga ginpapanubo na sa tropical depression si Auring posible magahina pa ini antes mag-landfall sa Dinagat Island.
Samtang, lauman sa gihapon ang mabaskog nga ulan subong nga adlaw sa Bicol Region, Quezon, Marinduque, kag Romblon lakip na ang Western Visayas.
Nagapabilin naman sa signal number 1 ang northern kag central portion sang Negros Occidental.
Yara gihapon sa signal number 1 man ang eastern portion sang Iloilo nga ginalakipan sang banwa sang Dumangas, Barotac Nuevo, Anilao, San Rafael, Barotac Viejo, Banate, Passi City, San Enrique, Dingle, Lemery, Ajuy, Sara, Concepcion, San Dionisio, Batad, Estancia, Balasan, kag Carles.
Nagapabilin man sa signal number 1 ang eastern portion sang Capiz partikular ang Cuartero, Dumarao, Ma-Ayon, Pontevedra, Panay, President Roxas, Panitan, Dao, Pilar.
