Roxas City, Capiz- Nagapabilin sa gihapon nga yara sa Tropical Cyclone Warning Signal Number 1 ang probinsya sang Capiz bangud sa Bagyo Usman.
Base sa Severe Weather Bulletin # 11 nga ginpaguha sang DOST-PAGASA alas 5 subong nga aga, napabilin sang bagyo ang kabaskugon samtang nagapalapit sa Eastern Visayas kun sa diin ulihi nakit-an ang sentro sini sa kalayuon nga 285 km East sang Guiuan, Eastern Samar dala ang kabaskugon nga 55 kilometers per hour kag gustiness nga 65 kilometers per hour.
Sa Western Visayas, nakataas sa gihapon ang tropical cyclone warning signal number 1 ang probinsya sang Capiz, Aklan, Iloilo, Guimaras, Antique, Northern Negros Occidental kag Dinagat Island.
Kalakip man sa Signal Number 1 amo ang Camarines Norte, Southern Occidental Mindoro, Southern Quezon, Marinduque, Romblon, Catanduanes, Camarines Sur, Albay, Sorsogon, Masbate (kaupod ang Ticao kag Burias islands), Southern Oriental Mindoro, Cuyo Island, Eastern Samar, Northern Samar, Samar, Biliran, Leyte, Southern Leyte, Northern Cebu (kaupod ang Camotes Island).
Posible man nga igapaidalom sa signal number 1 ang Northern Palawan kaupod ang Calamian Group of Islands sa masunod nga weather bulletin.
Lauman nga magaguha ang bagyo sa Philippine Area of Responsibility (PAR) sa Dominggo sang gab-i, Disyembre 30 ukon Lunes sang aga Disyembre 31.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
