Ubalde road rage rider mipatim-aw sa LTO-XI human nakadawat sa show cause order

Davao City – Mipatim-aw na sa Land Transportation Office (LTO-Xl), ang rider sa motorcycle nga nalambigit sa road rage sa Ubalde, Agdao, Davao City, niadtong milabay’ng adlaw September 9, 2023 human nakadawat og show cause order gikan sa LTO-XI.

Sa interview sa DXDC RMN Davao kang Atty. Loida Igdanes, LTO-XI Operations Division Head, gisulti niya, nipatim-aw kagahapon September 18, 2023 sa buhatan sa LTO-Xl ang rider og gipailawom sa hearing sa adjudicator aron mohatag og pagpasabot sa iyang bahin human gi-isyuhan og temporary operating permit (TOP) tungod sa dili maayong pamatasan nga gipakita ug gikumpiska usab ang iyang lisensya.

Segun ni Igdanes, wala pa usab nipatim-aw ang driver sa toyota vios aron mohatag usab og eksplinasyon sa iyang bahin.

Subay sa show cause order nga gipagawas sa LTO-XI sulod lamang sa lima ka kaadlaw aron ang duha ka kampo mag-atubangay. Gipasabot sa opisyal, human sa imbestigasyon o hearing kung mapamatud-an nga ang usa ka bahin nakalapas sa balaud, posibleng ma-suspenso o ma-revoked ang lisensya.

RadyoMaN Don Pulayao