Atol sa rally gahapon August 26, 2024, usa ka alyas Rose ang misulti nga wala na sila nakauyon sa operasyon sa kapulisan tungod gigamitan na matud pa sila og kusog ug pwersa samtang wala silay ikasukol. Gani alang kaniya, gusto silang mulaban apan wala sila’y kaya.
Sa nagpadayong operasyon sa ilang compound sulod na sa upat kaadlaw, nagtuo na sila karon nga gipailawom na sa Martial Law ang Davao City.
“Panghatagi mi og armas, musukol na lang mi bahalag di mi kabalo. Ana nalang guro kay mang-pwersa man mo. Unsa may laban namo nga mamunal man mo, mang-teargas mo. Mga tawo versus kamo. Bahalag mamunal, walay tear-gasay. Kung mamunal mo, mamunal sad mi. Martial law naman ng inyo,” segun ni Alyas Rose.
Sa karon, wala pay gibuhiang pamahayag ang PNP kung kanus-a mahuman ang operasyon apan segun ni PNP Chief Rommel Marbil ug PRO XI Regional Director PBGEN. Torre, dili sila muundang hangtod dili nila makita ang mga akusado.
RadyoMaN Ivy Parido
