CAUAYAN CITY – ISANG MAKASAYSAYANG TAGUMPAY ANG NAITALA NG QUIRINO YOUNG ENTREPRENEURS ASSOCIATION (QYEA) MATAPOS NITONG MAIPADALA SA KAUNA-UNAHANG PAGKAKATAON ANG KANILANG UBE POWDER SA ESTADOS UNIDOS.
ANG HAKBANG NA ITO AY KASUNOD NG MATAGUMPAY NA PAG-EXPORT SA JAPAN AT FRANCE, KUNG SAAN NAKAPAGTALA NA SILA NG PITONG SHIPMENT SA JAPAN AT DALAWANG BESES SA FRANCE.
ANG UBE POWDER NA MAY BRAND NA “JABES” AY NAPANSIN DIN SA MGA BANSANG SPAIN, NETHERLANDS, BELGIUM, AT CANADA MATAPOS ITONG TUMANGGAP NG PARANGAL SA KATHA AWARDS SA INTERNATIONAL FOOD EXPOSITION (IFEX) 2025 PARA SA INOBASYON.
AYON SA DTI REGION 2, ANG SHIPMENT AY RESULTA NG PAGTUTULUNGAN NG DTI, DEPARTMENT OF AGRICULTURE (DA), PAMAHALAANG PANLALAWIGAN NG QUIRINO, AT QUIRINO STATE UNIVERSITY SA PAGPAPALAKAS NG PRODUKSYON AT PAGSUNOD SA INTERNATIONAL STANDARDS.
BILANG PAGPAPAKITA NG SUPORTA SA UBE INDUSTRY SA REHIYON, NAGSASAGAWA ANG DA NG PAGSASANAY SA MGA MAGSASAKA, PAGPAPALAWAK NG TANIMAN, HABANG NAMAHAGI NAMAN NG 1,000 KILO NG PLANTING MATERIALS ANG LGU QUIRINO.
