Kinsa may dili maliki ining usa ka babae idol ang sakpan ug naaktuhan nga nangupit og cash gikan sa tip jar sa usa ka uber driver.
Viral karun ang video sa social media sa usa ka babae nga nakuhaang nangupit og kwarta gikan sa tip jar gikan sa uber nga ilang nasakyan.
Giila ang babae nga si Gabrielle Canales 18-anyos nga taga Long Island, New York. Human na review sa uber driver nga si, Mohammed H. Bhuiyan ang video iya dayun kining gi-report sa uber ang nakuhaan sa video nga pagpangawat ni Canales. Apan gi-drop ra ang insidente sa uber human gilimod ni Canales ang pasangil.
Wala na pud nakapadayon og pasaka og reklamo ang uber driver gumikan sa busy daw siya og wala siyay oras sa mga hearing. Isip pagbalos sa pagpangawat ni Canales sa iyaha gi-upload sa social media ni Bhuiyan ang actual nga video sa pagpangawat ni Canales nga dali ra pud dayung ni viral.
Bisan pa nga ni-viral ang video ni Canales karun sa mga nagkalain-laing mga social media applications, gikataw’an lang kini ni Canales og nag post pa hinuon og picture niya nga daw nangupit og cookies gikan sa jar nga may caption nga “my life lmaoo #makesmartchoices” isip balos sa driver nga nag-upload sa kopya sa actual nga video nga pagpangupit sa tip.
