Davao City- Angay nga dili luagan sa Davao ang quarantine measures kontra COVID-19.
Matud ni Southern Philippines Medical Center OIC Ricardo Audan, mas labing maayo nga magpabilin ang dakbayan sa General Community Quarantine (GCQ) ug dili ikanaog ngadto sa Modified General Community Quarantine (MGCQ).
Sumala ni Audan delikado usab nga luagan ang quarantine measures sa presensya sa bag-ong COVID-19 variant.
“Ako personally dili ko gusto (mag-MGCQ), GCQ lang usa ta because we are anticipating the worst kanang makasulod ang UK variant,” alang kang Audan.
Gibutyag ni Audan nagpabiling puno gihapon ang ICU ug ward beds sa mga COVID-19 patients sa SPMC apan na-manage ra gihapon nila kini taliwala sa dili normal nga ratio sa mga pasyente ug mga frontline doctors ug nurses.
RadyoMaN Aimee Guinita
