Davao City – Miani og nagkalain-laing reaksyon gikan sa netizens ang giingong pagtulis sa usa clerk sulod sa opisina sa usa ka gasolinahan sa Ulas, Davao City alas-8:30 kagahapon sa buntag (Marso 3, 2021).
Adunay mga nagtuong ‘inside job’ ang nahitabo human nasayrang empleyado ra usab sa maong gas station ang suspek nga nailang si Kervin Pagar, 27-anyos subay sa interbyu sa DXDC RMN Davao kang Police Major Sean Logronio, hepe sa Talomo PNP.
Pipila lamang ang netizens nga si Gino Mendoza ug Bea Siega nga mikwestyon sa panghitabo human nga tapad ra sa Ulas Community Police Precinct ang gasolinahan.
Samtang, midepensa ang ubang netizens nga dili sa tanang higayon anaa sa maong establisyemento ang mata sa pulis, diin gikwestyon usab kung aduna bay security guard on duty ang maong gas station.
Gikalipay usab sa ubang netizens ang pagka aresto sa suspek nga giingong mitangag og kapin kun kulang P60, 000 gikan sa gasolinahan.
Gilayon usab nga gikuhaan og impormasyon sa Talomo PNP ang suspek human nga wala gilayong na-establisar kung tinuod nga holdup ang insidente.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
