Pagadian City – Kasong paglapas sa akta republika 9165 kun Comprehensive danderous drugs act of 2002 ang giatubang sa 20 anyos nga lalaki dihang nakuhaan og shabu sa gilusad nga drug buy bust operation sa tropa sa Pagadian City Drug Enforcement Team alas 12:05 sa udto didto sa Purok Bonifacio, Brgy. Santo NiƱo ning syudad.
Ang buy bust operation niresulta sa pagkasikop sa suspek nga nailang si Raymond Pascual Talavera, paintor ug residente sa nahisgutan nga lugar.
Nakuha gikan sa posisyon sa dinakpan ang usa ka paketi sa gitoohang shabu nga mao ang buy bust evidence ug nahipos usab gikan sa suspek ang lain pang duha ka pakite sa shabu diin ang kinatibuk-an gibana-bana nga mobalor sa P1,500.
Nahipos usab gikan sa dinakpan ang 500 nga buy bust money ug usa ka unit sa cellphone.
Wala makamatikod target nga si PO3 Joggler Regala diay ang isang ka-transaksyon nga nagpatoong poseur buyer.
Gikatakda usab nga ipailalom sa drug testing ang dinakpan nga karon kasamtangan nga gikustodiya sa Pagadian City Police Station lock-up Cell.
