Davao City – Nakaplagang wala nay kinabuhi ang usa ka lalaki sa dihang wala na kini maka-agwanta sa mga pagsulay sa kinabuhi.
Biktima giilang si alyas Dario, 24 anyos, reidente sa may Rasay Brgy. Catigan, Toril ning siyudad.
Sumala sa kabanay sa biktima nga gikauban pa nila ang biktima sa pagpanihapon atung petsa kwatro ning bulana, ug kagahapong adlawa mga bandang alas 9:00 sa kabuntagon nakita nga gitapos na sa biktima iyang kinabuhi pinaagi sa paghikot sa usa ka wire sa iyang liog.
Matud pa nga gibulagan sa uyab ang maong biktima hinungdan nga iya kining giloom ug naghikog.
Gidugang sa mga kabanay sa biktima nga susama sa nahitabo sa ilang magulang nga lalaki, gitapos usab niya iyang kinabuhi pinaagi sa pagpakamataay ug posibleng gisundog kini sa manghod nga wala na usab maka-agwanta sa iyang mga suliran.
RadyoMaN Paul Canono
