Davao City – Gidungab ang usa ka ulitawo sa Purok 3 Brgy 26-C ning siyudad sa Davao.
Sa report nga nahipos sa Sta. Ana PNP, ang biktima naila sa pangalan nga si Dennis Tugonon, 26 anyos samtang ang suspek nailang si Adrian Nakilan alyas Yang-Yang, hingkod ang edad ug parehong nagpuyo sa nasangpit nga lugar.
Sa imbestigasyon nga gilusad sa kapulisan, nagkalalis ang duha sulod sa internet café apan sa walay daghang istorya, gidunggab sa suspek ang biktima gamit ang ice pick.
Daling gidala ang biktima sa Southern Philippines Medical Center (SPMC) samtang ang suspek daling misibat sa wala matinong direksyon.
Sa karon, naghulat nalang ang kapulisan sa pamilya sa biktima og mupasaka sila og kaso batok sa mihimo sa maong krimen.
RadyoMaN Don Pulayao
Facebook Comments
